Jowai: Ka Jaiñtia Student’s Union -1 (JSU-1) Central Body deilang wa ka Mukhap Unit, Lapangap Unit, Nongjngi Unit da lai yachem ki wa u EE PWD ha Jowai yow kyrpad na ka yungkrehkaam yong oo wow yarap ki wow chna pynmiat ya u sarok wa da sih hadooh kattæ kattæ wym hoi de u lai ki kari khian khamtam heini i heipor slap wei da sahkut ki du ha chiteiñ luti.
Ka seiñ leh da kyrpaad ko ya kani ka tnat PWD wow pynbha ya ka yingkieñ wa da booh yei ma ya kiwa lai wa wan man ka sngi neibhah toh kawa da sih wei da tymmoh ya ka da ki dieñ.
Ini waroh da ktah joor ko ya ki paidbah ka chnong Lapangap khamtam heipor wa kjut wa chitom neibhah boon ki por sah kut ki chitieñ luti neidaw wa sih ware uni u sarok.
Kamjooh leh ka seiñ da kyrpaad ko wow chna noh ya ka yingkieñ lai kjat kawa em ha Shahong Myntang kawa yarap ya ki bru wa lai yaaw cha ka chnong Mowkaiaw, Mukhap wa Mowtyrchiah kamjooh leh ya ki khynnah skur wa ki warep.
Neiliang u Warbah EE DPIU da kular u wow chimkhia wow yaklam neibhah ini waroh wei u D. Langstang EE PWD North leh da kular u kamjooh.
Kani toh ka khubor na u J. Ryngkhlem Asst. Organising Secretary JSU -1 CB.
Discussion about this post