15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Ya ki seiñ kieñ suloi ym nood ki pulit u thooh u kem: KSU-NKHD
E mynsien ka seiñ ya ki dkhot wymtoh u tieñ ki kam ha kini ki por

0 Comments
Advertisement ad1
Advertisement ad1
Advertisement ad1

Nongpoh: Ka Khasi Students’ Union (KSU) North Khasi Hills District da beiñ ko yei leh dusmon wei leh bru khloo ki pulit ka Ri-bhoi hadooh wa da thut ya ka chong suk chong saiñ hadooh wa da khian i mynsien ki paidbah neidaw wa dang pteiñ i kdong i thooh ki pulit ki ki dkhot ka KSU.

Da beiñ joor ko yei lehbor ki pulit ka chnong Umbir kiwa tympiah tympra ya ka dwar yung u Roland Mawthoh wa ka Veronica Nongbsap heipor wa ki pulit ki dang pynman ki yei thooh ya ki dkhot ka KSU wei da kynreh ki ya ki yung ki bru.

Advertisement ad1
Advertisement ad1

Ini i leh ki pulit da che kdar wa toh i kaam pynhiar kput ya ki dkhot ka seiñ wa ki khynroo Khasi wa ya ka jaitbru hi waroh kawi. Ki pulit toh kiwa chlur wow kreh du heipor wa em yakhih ka KSU namo kiwi de ki seiñ tangwa manda chah lehbieñ won ki para doh para snam wa sah cha khappood waka Assam kam ha ka seiñ Karbi People Liberation Tiger (KPLT) ym nood ki u leh iyi iyi leh.

Kam wow pynkynmoo haka 21.05.2015 ka KSU wa ki Rangbah Shnong ka Raid Nongtung chirup ki wa chong chnong ka Umsur, Rymphum, Thangru, Tyrshing wa kiwi de ki chnong marjan kiwa haap hapoh ka Raid Nongtung (Block 2) da ujor ki ha Mawlasnai Police Outpost wa u Superintendent of Police Ribhoi District pyrchah ya ka seiñ KPLT hajrong i chah maham wei chah dawa poisa ki T. 2000 na kawi pa kawi ka man yung tangwa ki pulit hadooh katni ym em leh ki iyi iyi leh hei yatoh wa ini wei ym nood ki u ong tang chi kyoh leh tangwa u kdong won ya ki dkhot ka KSU da leh ki kamwa kdong ya ki seiñ kieñ suloi.

Kamtæ ka seiñ da e mynsien ko ya ki dkhot yong ka kamjooh kiwa ha yung hasem yong ki kiwa chah pynthut wei da kyrpaad leh ya ki paidbah wow kyrchaan yei pyrchah yong ki ya ka luti rel.

Ka seiñ da pynkut ko deiwa ong wa i kulmar wa mih ha Ri-Bhoi toh i leh u DC wa u SP ka district kiwa sdang yeini waroh.

Kani toh ka khubor na u Vincent Makri Vice President KSU North Khasi Hills District.

Advertisement ad1

0 Comments

Leave a Reply