Ki dkhot ka Jaintia Students’ Union (JSU) ynne da lai yachem ki wa u Lat ka jylla u C.H. Vijayasankhar yow booh le tylli ki dawa.
Nyngkong toh i dawa wow pynbna ya ka chnong Jowai kam ka Summer Capital kam chibynta i yaklam wa da lai kattæ yow pynbna ya ka Tura kam ka Winter Capital iwa daw yarap u pynku ya ki Pnar, ki War, ki Bhoi hadooh ki Biate wa em ha Jaiñtia Hills.
Da ong leh wa da em ka Mini Secretariat ha Jowai kam chibynta wow pdiang yow pynman ya ka Summer Capital.
Da dawa leh wow pynkrehkaam noh ya ka ILP yow yada ya ki tre chnong wa em hapoh ka jylla deiwa chimkhia u Lat wow tuklar yeini.
Khaddooh da dawa wow pait biang deiwi ya ka Instrument of Accession (1947-48) yow pynkhlan yei hok mantre heiyatoh wa i thaw i bhaw kamjooh wow yada ya ka riti dustur katkam ka Sixth Schedule.
Ini i dawa toh wow kynthup lang ya ka Jaiñtia hapoh ka Instrument of Accession neidaw wym em soi u syiem Jaiñtia ka hadien wa da chah jop ha ki British ha u snem 1835.
Discussion about this post