Ka KSU Lakadong Unit hapoh i yahkhmat u President yong ka u Andres Lyngdoh wa u General Secretary, u Wanbait Suchen deiwa synran lang u Organising Secretary yong ka KSU East Jaiñtia Hills District Unit wa u Donbok Mukhim kam u Assistant Organising Secretary da lai ki wow yachem wa u Executive Engineer yong MePDCL East Jaiñtia Hills District Mowakhu wow dawa u pynbha wei wow kylliang thymme ya ki chrot bordiñ kiwa da baam sarah.
Ka seiñ da ong ko wa i em kini ki chrot wa da sih da ktah i yei pynpoi bordiñ hapoh ka chnong ka thaw neibhah wa khlan bha u dooh bordiñ.
Neiliang ki wakreh ka MePDCL leh da pdiang ki wa i haap, i oor ki chrot bordiñ da pynman yei dooh bordiñ kamtæ neiliang ka seiñ da kyrpaad ko wow dawa na u EE wow kylliang thymme noh ya kini ki chrot bordiñ neibhah i por slap leh dapoi i kattu wei daw booh ko hei maa ya i lai i wan kiwa chong chnong Lakadong.
