theme-sticky-logo-alt
theme-logo-alt
Advertisement ad1
Advertisement ad1

Saam u Lahkmen Rymbui ya ki M-Tab cha ki khynnah skur ka Amlarem Sub-Division

Advertisement ad1
Advertisement ad1
Advertisement ad1

Ynne ka sngi, u Montri ka chnat Puræ Puthi ka jylla uwa man leh u MLA ka Amlarem, u Lahkmen Rymbui da wan saam u ya ki M-Tab cha ki khynnah ckur kiwa em hapoh ka Amlarem Sub-Division lyngba ka Scheme Digital Learning Aid M-Tab 2022 ha Enowell Hall, Amlarem.

Ha kani ka sngi ka A.P. Syiem, District School Education Officer, Jowai da e ko ya ki kyntein pdiang burom.

Advertisement ad1

U Lahkmen Rymbui hawa e u yei klam da ong u wa ka sorkar da pyrchang ko u pynbiang yeiwa emkaam ki khynnah skur heiyatoh waka juk Technology, ka puræ puthi katni deiwa saam ya kini ki Tablet heijooh i por da kyntu u ya ki khynnah wow pynemkaam hok ya ki myntoi wa yoh na ka sorkar. 

Da ong u leh wa ka Common University Entrance Test toh kawa emkaam bha katni neibhah lada kwah phi u puræ chakhmat hap hi u Pass ya kani ka Test neitæ i daw kam ki khynnah skur toh u em i pynkhreh ya ki Entrance Test ymhoi u tieñ næ randien toh u yai kreh chitom khnang wow poi cha ka thong.

Da yoh leh i klam na u Principal ka Nongtalang College u B. Kharkongor, ka SDO (Civil) Amlarem Sub- Division ka Y.R. Mawlong katwa i klam e khublei da e da u BDO ka Amlarem C& R.D Block u Dr. D. Lyngdoh.

Share this:
Previous

Lai yachem ka KSU Lakadong wa u EE ka MePDCL wa joor khlan dooh bordiñ

Next

Meghalaya Games: Hadooh 8 tylli yoh takma ka WJBA