Ha iwa jia ha ka thaaiñ Chargawan ka Jabalpur, Madhya Pradesh, kawi ka kari Scorpio da noh ko na kawi ka yingkieñ chapoh ka wah Somvati heiwa da khlaad 6 ngut kiwa em hapoh yong ka.
Kani ka kari toh kawa dang wan leh niam knia ya kawi ka blang kawa da kit lang hapoh kani ka kari katwa ka da lait im ko.
Ini da jia i heipor wa liwan ki na ka Dulha Dev Maharaj Temple wa em ha Naringhpur District hadien wa leh niam wa pyndur knia ya kani ka blang (Symbolic Goat Sacrifice Ritual).
Soo ngut na kini kiwa yap da khlaad ki pyn ha ini i thaw wa jia katwa ar ngut won da khlaad ki hapoh Hospital.
Ki pulit da pynemkaam ki da ki tiar ah naar yow sai ya kini ki bru wa em hapoh wei da yarap nyngkong ya kini da ki bru paidbah kiwa sakhi yeini.
Da suba wa ini ye i u jia neidaw wa muaid kini ki bru neibhah da chem ya u klong kiad hapoh ka kari.
Discussion about this post