Uwi u bru na China da yoh wow pynlait ya oo ynne na iwi i Tunnel wa tih yow pynmih bordiñ ha Rasuwa District ka Nepal wei ini wan i hadien 11 sngi neiwa chlai um ha katai ka ri.
Ya uni u bru da tip kam u Luhaitao wei da chah kset u ha Audit Tunnel 4 yong ka Upper Trishuli 1 Hydropower Project.
“Ki chipai ka Nepali Army wa kiwa na baar ri da yoh ki wow pynlait ya uwi u bru na China ya uwa tip kam u Luhaitao, na i tunnel ka Upper Trishuli-1 Hydropower Project,” da ong ka Nepali Army ynne ka sngi.
Ya u Luhaitao da pynlait na kamwa 225 meter hapoh Tunnel wei da kit noh ya oo cha thaw sumaar.
Ini wan i hadien wa ye u sai pynim ya ar ngut ki Nepali na i Tunnel ka Trishuli Hydropower Project wei kini kynthup ki ya u Kabir Maharjan (45) wa u Sanjay Sah (30).
Discussion about this post