Lait im u wym chah u ku ha ka lieñsuiñ kawa haap wei yap lut waroh kiwa em hapoh

Kawi ka lieñsuiñ kawa kit 61 ngut ki bru da haap syndet ko ha Sao Paulo, Brazil heiwa waroh kiwa em hapoh da dooh ki yei mynsien ki iwa da jia ynnin ka sngi.

Kani ka lieñsuiñ toh kawa la 14 snem i krehkaam wei da haap ko ha iwi i thaw wa sah ki bru.

Kani toh ka jiat lieñsuiñ ATR 72-500 wei neiliang ka Voepass Airlines da pyntikna ko yeini wa kani ka lieñsuiñ toh kawa em 57 ngut kiwa chong ha ka wa 4 ngut kiwa kreh (Pilot wa kiwi tawon).

Da ong wa kani ka lieñsuiñ toh kawa lai cha Guarulhos International Airport ha Sao Paulo heipor wa haap ko wei ympu tip yei daw wa haap ko.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Neiliang ka São Paulo State Fire Department da pyntikna ko yeini wei da phah ya ki bor pulit wow lai cha ini i thaw.

Waroh toh u em 58 ngut ki bru wa toh u lai luti tangwa uwi da lait im u neidaw wa slem u wow ku ya kani ka lieñsuiñ.

Uni u bru wa tip kam u Adriano Assis uwa kreh ha ka Toledo Regional Hospital da khana u wa poi u ha ka Airport heipor 9:40 i step heiwa ympu em wai ya ka Gate neibynta kani ka lieñsuiñ kamtæ da pynlut por u hapoh ka Airport wei manda kieh 10:30 manda lai u cha kani ka Gate da chem wa em boon bha ki bru kiwa da yieñ line wei da slem u neidaw wym em kiwa pynbna tanghæng wow ku noh ya kani ka lieñsuiñ.

Manda poi ka pali u heipor 10:41 da khang ya oo wow ku neidaw wa slem ware u heiwa da yania u wa uni u bru tangwa ym em chah u wow ku u, kattæ won da sñiawngooh u ya uni u bru wym chah u wow ku u ya kani ka lieñsuiñ.