U Rahul Gandhi uwa man leh uwa yahkhmat ya ka Liang Pyrchah ha Lok Sabha, da e khublei u ya u Montri Rangbahdooh ka ri, u Narendra Modi wa rai u wow lai cha Wayanad hadien wa chah ktah joor ko ha i oor khyndaw.
Da sñiawskem u wa u Modi hadien wa yoo u yeiwa chah ktah daw pynbna u ya iwa jia ha Wayanad kam ka National Disaster.
U Modi da lai u cha Wayanad District ynne ka sngi wow booddien yeiwa jia wei daw yachem u leh ya kiwa chah ktah.
U Rahul da sñiawskem u wa chisien wa lai u Modi cha Wayanad daw yoo u hadooh katwon wa chah ktah wei wow pynbna ya iwa jia ha Wayanad kam ka National Disaster.
Ha iwa jia ha Wayanad da em 226 ngut kiwa da yap wei dang em chiboon kiwa dang wiar hadien wa oor khyndaw ha ka 30 tarik u Naiynñiaw.
U Rahul toh u MP na Rae Bareli, Uttar Pradesh wei da mihkhmat u ya ka Wayanad cha Lok Sabha ha ka samoi wa dadep.
Discussion about this post