theme-sticky-logo-alt
theme-logo-alt
Advertisement ad1
Advertisement ad1

Lait ka manbei, chah tynyap uwa pynran wei pasi noh uwa tynyap manda poi ha yung

Advertisement ad1
Advertisement ad1

Ynne ka sngi katkam ka yutip wa da yoh da ong wa ha ka 20 tarik uni u bnai heipor kamwa 5:30 i janmiet uwi u bru wa tip kam u Samli Suchiang (40 snem) uwa na ka chnong Mynska, West Jaiñtia Hills da dat pynmynsoo u ya ka bei ka yong oo ya kawa da tip kam ka Phol Suchiang (59 snem) ha i thaw rep wa tip kam i Bhoi iwa em hajan ka chnong Mynska wa ka chnong Rtiang, West Jaiñtia Hills.

Ka yutip wa da yoh da ong wa hadien wa mih i awri ha ini i thaw wa em kini ki ar ngut (u Samli wa ka Phol) neiliang u Robi Dhar (56 snem) uwa na ka chnong Mynska uwa rep hajan ini i thaw da lai u wow pynyasuk tangwa da chah dat chah dung noh u ha u Samli wei da khlaad noh u pyn ha ini i thaw wa jia.

Ya ini iwa jia waroh da pyntip ynne cha ki bor pulit heiwa da leh ki pulit yeiwa emkaam wei manda lai thooh ki ya u Samli ha yung da chem wa ka dwar da khang ko napoh wei hadien ini da chem wa da pasi u ha yung.

Heiyatoh wa ini neiliang ki pulit da phah ki ya ki ar tylli ki metyap cha Civil Hospital, Ialong wow leh yeiwa emkaam.

Katkam ka yutip wa da yoh da ong wa ka Phol Suchiang da mynsoo joor ko wei katni dang chah sumaar ko ha Woodland WK Hospital, Sabah.

Share this:
Previous

Ha ka 26 tarik u pynlait ya i Video i sur “Ka Pateiñ” ka Co Tribe

Next

E yarap ka HYC cha ki manyung wa dooh ka chnong Padu