Ha ka 23 tarik uni u bnai, katwa ar ngut ki khynnah khian dang liwan ki na skur, da em uwi u damok wa da taan yabor ya ki cha ka thaw wa man khloo wei da suba joor wa thmu u wow leh ya i kaam pohjait ya uwi napyrdi kitai ki arngut, wei ini da jia ha iwi i chnong wa dang haap hapoh ka West Khasi Hills District.
Katkam ka khubor kawa da yoh lum na kiwa ha yung da ong wa itai i jia da jia heipor kamwa 1:00 waje duna i sngi, wei kitai ki khynnah toh kiwa dang em hei rta wa 6 snem. Da khana ki wa ini da jia i ha iwi i thaw wa rap jan na ki yung bru heiwa uni u bru da yang chwa u ya kitai ki khynnah wei da rah yabor ya ki cha ka thaw wa rap man khloo deiwa pynbiej leh da ka poisa.
Da khana wa mar ya poi cha khloo da ieh u ya uwi u khynnah wa dang rap khian rta wei da rah u ya uwi won uwa rap heh da i thmu wow leh yei kaam wa sih, tangwa neidaw wa yam uwa dang khian da pynlait noh u ya waroh arngut. Chooh chooh da khana leh wa utai u bru ha itai i por da maham u leh deiwa pynyang da ka wait ya kitai ki khynnah wa ym toh wow khana bru.
Da khana leh wa hanla kiwa ha yung ha sem da lai ki wow booh ya ka ujor cha ka thanat Nongstoiñ, tangwa neiliang yong ki pulit ym em chimkhia ki ya itai i kaam hajrong ka yurim wa Report kawa da yoh na ki Doctor pynyoo ko wa ym em iyi iyi, tangwa hadien kattu katni kynta ki pulit da hiar ki cha katai ka thaw wow pynman ya ka takit kawa bniah.
