Lait nei jia wa sñiawsih hadien wa tynyap ki chipai ka Indian Army ya 8 tylli ki IED ha Manipur

Ki chipai ka Indian Army dei langær kreh ki wow yada ya ki mynsien bru ha kylleiñ ka ri kamjooh leh ha ka thaaiñ mihsngi ka ri deiwa krehlang wa ki pulit ki jylla waphær waphær.

Ynne ki chipai chirup wa ki pulit ka jylla Manipur da chem wei da tynyap (Defuse) ki ya 8 tylli ki Bomb namo ki Improvised Explosive Devices (IEDs) ha sarok ka thaaiñ Saichang Itham ka Imphal East District ka jylla deiwa yada na iwon iwon i jia wa sñiawsih.

Mar ya tip ki chipai wa em kini ki IED, da lai chipai ka Indian Army chirup waka Bomb Disposal Team, wei da ye ki wow tynyap ya ki IED wa khia 33 Kilo. 

Ini i smat wow tynyap ya kini ki Bomb da ye wow yada ya chiboon tylli ki mynsien bru kiwa lai wa wan.

Related posts

Chah rah bor ki le ngut ki nong India ha ka seiñ kieñ suloi wa emyatoh wa ka Al-Qaeda

July 3, 2025

Dei por booh ka High Court yeiwa ye kiwa chongdai madan u dai ya ki mar ki

July 3, 2025

Ini i thaw wa chem ya kini ki IED man ki ki thaw wa pynemkaam da ki warep kamjooh kiwa chare mrad na chnong Moirangpurel wa chnong Itham ka Imphal East.

Tangwa ym pu tip kiyi wa booh ya kini ki IED.