U Montri Rangbah ka jylla u Conrad K Sangma da lait u nei maa wei i jia wa sñiawsih hadien wa joor lyoh syndet syndet heipor wa lai luti u da ka Helicopter heipor wa poi u ha ki bynta ka Umiam ynne ka sngi.
Ini toh heipor wa liwan u na Tura dei thmu wow hiar kamwa jooh ha Upper Shillong tangwa i rben u lyoh da pynman i ya kiwa yah namo ki Pilot wym chynna de ki wei da thmu ki u lai hiar cha Guwahati tangwa neiliang u Conrad da e buit u wow hair ha ini i thaw heiwa da hiar ki ha madan ka UCC kawa em ha Umiam.
U Conrad da ong u wa daw sepai ka sngi lada hap lai u cha Guwahati kamtæ bha wow hiar heini i thaw.
Da pynsñiaw u yei sñiawngooh ya u Captain wa Pilot ka Helicopter kiwa da yei u pynhiar dei suk kamjooh leh ya kiwa kreh ka UCC kiwa da pynbiang baam hapoh ka Canteen kani ka College.
