• About Us
  • Contact Us
  • Privacy Policy
  • Advertise With Us
  • Terms & Conditions
Saturday, July 12, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
ADVERTISEMENT
Home News

Lait u SP warim ka East Khasi nei chah pynchitom hadien wym ye kiwa ujor u wan hei por

Wyrta Staff by Wyrta Staff
July 7, 2024
Reading Time: 3 mins read
A A
0
Share on FacebookShare on Twitter
ADVERTISEMENT

Ka Meghalaya Human Rights Commission (MHRC) da pynlait ko ya u SP warim ka East Khasi Hills, u Rituraj Ravi khlem da pynchitom hadien wa kiwa ujor pyrchah ya oo ym ye ki u won hei por wa da booh da ka Commission yow bichaar ya ini i kaam.

Kam wow pynkynmoo wa u Ravi da chah pynbaad u wa da mut u wow rah dei bor ya ka Bindas Syiem cha Hospital heipor wa pynman ko yei yakhih chah thngan yow dawa pynchna ya u sarok Nongpoh-Umden chadooh Sonapur.

ADVERTISEMENT

U Ravi deilang wa kiwi ki pulit da chah pynbaad ki wa da wan ki khlem yahlang wa ki pulit kynthai wei ki pulit wa wan da em leh kiwa da muaid.

Ya u Ravi da phah wow wan u ha ka 5 tarik heipor 11:30 i step heiwa oo da tyntait u ya waroh iwa chah pynbaad u.

Related posts

Chah ka HC yei pynman Yatra cha krem Mawjymbuiñ tangwa deiwa booh kyndon

July 12, 2025

Da 572% ku ka bhah wa yoh ka Meghalaya na ka sorkar pyrdi nadooh wa synchaar ka NDA: Nirmala Sitharaman

July 11, 2025

Tangwa neidaw katwa yang leh ym poi kiwa ujor wa kynthup ya ka Purity Phawa kam kawa ujor waka Bindas Syiem kam kawa chah ktah, neiliang u Chairperson ka Commission, u Justice T. Vaiphei da ong u wym ye u lai chakhmat khlem da em kiwa ujor neibhah wym em kiwa wanrah yei sabut, kamtæ ym em laad de deiwi lait nei khang noh ya kani ka Case.

Chooh chooh da ong u wa da ini da pynlait ya u Ravi na iwon iwon i chah pynchitom neibhah da e por da iwa biang ya kiwa ujor wow wan ki.

Kiwa ujor da poi ki cha kani ka thaw hadien chi kynta wa da khang ya ka Case deiwa e daw wa sahkut kari ki neibhah wa wan ki na Ri-Bhoi cha kani ka thaw bichaar, kamtæ da pyntip cha ki wa lada kwah ki wow wai biang deiwi ya ka takit daw hap ki wow e Application deiwi wei daw hap u pyntip yeini leh cha u Ravi kamjooh wei ya ka Application hap ko wow lai lyngba ka DGP.

Kamtæ da booh ya ka 18 tarik uni u bnai kam ka sngi wow ap u sñiaw yei kyrpaad yow wai biang ya kani ka Case pyrchah ya Rituraj Ravi.

ShareTweetSendShare
Previous Post

Lai cha Khyndailad yow yoo kammon wa da mih ki kaam wa sih: Vincent

Next Post

Da pynlait yaka phlim “Thma Tyllo” wa chna da u Kiron Chyrmang

Related Posts

News

Chah ka HC yei pynman Yatra cha krem Mawjymbuiñ tangwa deiwa booh kyndon

July 12, 2025
News

Da 572% ku ka bhah wa yoh ka Meghalaya na ka sorkar pyrdi nadooh wa synchaar ka NDA: Nirmala Sitharaman

July 11, 2025
News

92 tylli ki chnong khappood ka Meghalaya daw man ki kam kiwa nyngkong ha India: Nirmala Sitharaman

July 11, 2025
News

Hei lehkmen dap 10 snem ka JNC kyntu kyrsu ka seiñ wow yatylli yow lait nei adnood bichni

July 11, 2025
Next Post

Da pynlait yaka phlim "Thma Tyllo" wa chna da u Kiron Chyrmang

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar