Lait uwi na i jia wa sariem wa iwa jia ya u Raja Raghuvanshi

Ha iwi i jia wa ye u ong wa sariem wa iwa jia i chah tynyap u Raja Raghuvanshi, ha kani ka kynti uwi u Software Engineer uwa tip kam u Shubham Chaudhary na Uttarakhand uwa kreh ha Gurugram da lait yap u na kti ka kurim.

Hadien wa dep u bia la 7 bnai wa ka kurim u kawa na Ghaziabad tangwa ym bien ko wow thiah u dem wa oo kam ki chi kurim, kamtæ u Shubham da sdang u wow suba wei da chem u wa ka kurim u da yaklam ko wa uwi u bru ha ka Mobile Phone ko wei da thied ko ki Condom boonsien deilang wa u tyrnem na Online, iwa da pynkulsai ya oo.

Uni u bru wa yaklam ka kurim u da sdang u leh wow bood oo hawa lai wa wan u.

Kamtæ u Shubham da lai u cha kawi ka Private Detective Agency wow takit ya ki kaam ka kurim u heiwa kani ka Agency da chem ko wa ka kurim u da yachem ko wa uwi tawon u bru ha Hotel iwa em ha Tapovan, Rishikesh wei mar ya tip yeini u Shubham da pyntip u cha ki pulit kiwa da lai kem ya ka. 

Katkam i takit ka Detective Agency, ka kurim u Shubham da mut ko wow yut chirup wa uni u bru uwa na Gurugram wow sah chirup ha Rishikesh.

Ha ka 30 tarik u Naikhynde da poi ki ha kani ka Hotel ha Tapovan, heiwa u Subham da pyntip u yeini cha ki pulit.

Neiliang ki pulit hapoh i yahkhmat u Inspector Lakshmi Pant na Muni Ki Reti, da poi ki ha Hotel heipor 4:00 waje i step wei da psiah ki ha i kamra 202, wei da chem ki ya ki ar ngut wa thiah ki chirup.

Related posts

Mynjur ka sorkar wow thied thaw wow e salan cha ki chipai yow pynheh ya ka Airport wa ki lyngkha neibynta ka New Shillong

November 26, 2025

Khut ka KJP Synod Mihngi Hr. Sec. School Jowai ya ki khynnah skur warim cha ka Fund Raising cum Sale of Work & Variety Programme

November 26, 2025

Hawa takit ki pulit, uni u bru da phla u wa da booddien u ya u Shubham la kattu katni sngi. 

Heitæ u Shubham ym em ujor u iwon iwon tangwa da pynkut u yei yatoh wa ka kurim wei ini da pynman i ya kiwa boon wow pynsariem yeini i jia wa iwa chah tynyap u Raja Raghuvanshi ha Meghalaya.