U MP ka Congress na Tura, u Saleng A Sangma da sñiawkhia u hajrong i laitlaan i khayi hapyrdi ki bru na India wa Bangladesh ha khappood wa em ha Meghalaya.
Da ong u wa ymtip kiyi de ki mar wa da khayi tooh, tangwa tieñsar hawa yoo ha kini ki 3-4 snem wa da lai wa da ku kiwa dih drugs ha ka jylla.
Chooh chooh da ong u wa em palat 3 lak ngut ki bru kiwa dih drugs ha ka jylla wei ini ymtoh iwa ke, tangwa man i kaam wa khia bha ym du ya ka sorkar weiwa wot ya kiwa chong chnong leh kamjooh.
Da kynthah u ya ka sorkar hajrong i laitlaan wow khayi tooh ha ka Jylla Meghalaya, u Saleng da kylli u leh wa weileh ka sorkar chah ko wow em i khayi tooh ha ka jylla?
Heijooh i por da ong u wa ymtoh u yaklam du yei khayi tooh ya u mooyong, tangwa wot u moochuni wa kiwi ki kaam khayi tooh leh kamjooh.
U Saleng da beiñ u leh yei wym kynreh ya ki mar tooh ha khappood deiwa ong wa daw hiar hi u da oo cha khappood wow yachem wa ki sahep ka chnat Custom, ki heh BSF wa ki Deputy Commissioner wow pait iyi wow leh wow khang yei khayi tooh.
Discussion about this post