Da: U Soolangki D. Laloo
Rwai yaroh ya ka lama ka ri
Dei sñiaw sarong kam ki pateiñ katni
Burom kheiñkor yei man khroo yong ka
Kaweh kaweh lama India.
Alæ chirup alæ yong i
Kynthai chynrang Aa khon ka ri
Lama India rah chajrong chajrong
Kaweh kaweh dei sñiaw sarong
75 snem laitlooid kynjooh
Chityllup ka ri, kmenlang waroh
Lama India rah chajrong chajrong
Kaweh kaweh dei sñiaw sarong
Aa ri India ri wa maya
Ri yaleh ki manchwa longchwa
Burom yong ki ini waroh
Lama le rong ha i da yoh
Aa Trekirot dei wyrchaw ki kti
Ngooh i ya me neibynta ka ri.
Kyrkhu khyrdoh yow man miat man bha
Chaphrang chajrong nang kaap India.
