Ka Advocacy Reform Movement (ARM), hapoh i yahkhmat u President yong ka, u Burom Dkhar wa ki dkhot ka CEC da yachem ki wa u SP ka East Jaiñtia Hills wow dawa ya ki le tylli ki mat.
Ki mat dawa kynthup ki wow booh ya u Traffic In-charge ha waroh ki Police Outpost wa em hapoh ka East Jaiñtia Hills khnang wow lait nei sahkut ki kari næ jia tyrrah kari wei wow suk ki paidbah hei lai i wan.
Ka seiñ dawa ko leh wow e ka chakri kawa hok wei laitlooid ya waroh ki paidbah khlem da ñiaw chiliang ki aiñ katkam ka Article 14 wa 21 yong ka riti synchaar ka ri India.
Kawa le won da dawa leh wow pynrkhiñ ya ki aiñ heiyatoh wa ki kaam leh damok næ tynyap bru.
Ya kini waroh ki dawa neiliang u SP da kular u wow leh hapoh chi bnai manda dep u yaklam wa ka Home Department.
Discussion about this post