Le tylli ki tie-breaker wa ka Walkover ha ka sngi wa le yong ka Subruto Cup ha Jowai

Jowai : Ynne ka sngi ka Subruto Cup da sdang ko ya ka kyrdan U-14 heiwa da yaleh pyrchah soo tylli ki skur ha ki artylli ki yalehke.

Ha ka yaleh ke wa nyngkong ka Little Flower HS School, Ummulong da yachem ko wa Khimusniang Presbytery Secondary School. Ka yalehke man ko kawa jem chilliang heiwa ka Little Flower da jop ko da 5-0. Ya ki kool da thap da u Marwel B. Lamare ha ka minit wa 14 wa 24, u Wandajied K. Ryngkhlem ha ka minit wa 20 wa 55 wa u Kynsaibor Dkhar ha ka minit wa 53.

Ha ka yalehke wa ar won da yachem ka JNM School, Lamin pyrchah ya ka Government LP School, Sohphoh. Ya kani ka yalehke da rai da ka chut Tie-Breaker heiwa ka JNM da jop ko 2-0

Ha ka yalehke wa khaddooh yong ka U-14 won da jop ka Che’s Star School ya ka KJP Syndon HS School khlem em i yalehke neidaw wa ka KJP ym em wan yalehke ki neidaw wa em exam ki khynnah yong ka.

Ynne ka sngi leh da pynman ya ki artylli ki yalehke yong ka kyrdan u-17.

Related posts

MSL 5: Dooh ka Shkenshynriah u psiah Final deiwa rem ha ka Nongkseh

May 29, 2026

MSL 5: Psiah Semi ka Shkenshynriah deilang ka Langsning

May 26, 2026

Ha ka wa nyngkong ka Jowai Presbyterian HS School da yachem ko wa ka KJP Synod HS School heiwa da pynkut ya ka yalehke deiwa yaleh da ka Tie-breaker heiwa ka Jowai Presbyterian da jop ko 3-2.

Ha ka wa ar won ka yalehke ha pyrdi ka St. Dominic HS School pyrchah ya ka Little Flower HS School, Ummulong da pynkut biang da ka Tie-Breaker heiwa ka St.Dominic da jop ko da 5-4.