I yakhih kiwa kamai kari ka Assam dapoi ko cha ka sngi wa le ynne ha Jorabat heiwa ki kari da ki spah tylli dang neh ki ha sarok khlem yoh u lai.
Ki Video kiwa da mih kattæ da pynyoo ya ki bru kiwa hap wow lai dei kjat yow psiah cha Assam deilang i rah ya ki tiar ki taar.
I pynsangeh toh iwa da leh kamjooh dei miet heiwa kiwa yakhih da yang ki waroh chimiet.
Ynnin i miet da em leh kawi ka kari kawa em Number Meghalaya kawa da chah pynsangeh heiwa da em uwi u bru Sikh hapoh uwa da yamai wa kini ki bru deiwa ong wa ki Assamese leh bru khloo ki.
Uni u bru toh uwa lai luti wa ka bei u wei da ong u ya kini ki bru lada toh phi kiwa da stat wa che kiwa puræ puthi ym leh phi kamni.
Uni u bru da hap u wow hiar napoh kari deilang ka bei wei da ong u wa em u ki bru wa emyatoh u ha Assam wa ha Meghalaya wei em hi bru wa sih tangwa ym em em mut waroh kawi ka jiatbru kawa sih.
Katkam wa man kattæ ym pu em mih khubor cheiwon poi i yaklam ki Montri sorkar ka Assam wa Meghalaya.
Discussion about this post