I lehkmen ya ka 64th Teachers’ Day da ka District School Education Officer, West Jaiñtia Hills da pynman ka ha District Library Auditorium, Mynthong Jowai ynne kam wow pynyoo yei burom ya kiwa sikai skur heiwa da wan wow embynta da u Waildmiki Shylla, MLA kam u kongsan.
U Wailadmiki hawa e yei klam da e khublei u ya waroh kiwa sikai deiwa ong wa ki man ki kam kiwa tei ya ka ri deiwa pynwandur ki ya ka mynried ki khynnah skur wei da pynsñiaw u leh yei sñiaw sarong ya kiwa sikai skur ka District ya ki moomær wa da poi ki.
Da ong u leh wa ka sorkar hei yahkhmat u Chief Minister wa u Education Minister da ye wow pynkhlan ya ka puræ puthi deiwa chna pynmiat ya ki skur, i pynheh ya ki College wei deiwa booh leh ya ki thaw puræ B.Ed. deiwa pynrap wa dang em chiboon wa da hap wow pyntoh pyntne deiwa kular leh ya kiwa sikai wa ka sorkar daw e ko yei kyrchaan ya ki neibynta ki kaam wa leh ki.
Ha kani ka sngi da saam leh ya ka District Award cha kiwa sikai wa kynthup ya ka Wompher Laloo, Headmistress Seinraij Secondary School, Jowai, ka Lalnunsiami Shylla, Assistant Teacher, Jingshai Mihngi Adventist Secondary School, Jowai, ka Sumarlang Pakma, Head Teacher, PM Shri Tpep Pale Government Lower Primary School, Jowai, ka Emidaka Lyngdoh, Guide Captain ka Jowai Open Unit Guide Company wa u Martin Pohplet, Scout Master ka Amlarem Secondary School Scout Troop.
Ha kani ka sngi da yoh leh yei chaad i rwai wa da e da ki khynnah ka skur Thadlaboh Presbyterian Higher Secondary School, Jowai, Panaliar LP School, Jowai, Kiang Nangbah Higher Secondary School, Jowai, Seinraij Higher Secondary School, Jowai, Police Public Secondary School, Jowai, Jaintia Higher Secondary School, Jowai, Ladthalaboh Secondary School, Jowai, Tpep Pale Sec. School, Jowai wa na Thomas Jones Higher Secondary School.
Discussion about this post