Ka seiñ Hynñiewtrep Integrated Territorial Organization (HITO) da pynsñiaw ko yei khyrngiat yei pyrchang ka sorkar MDA wow ksih yei hok ki bru wow pynsñiaw ki ha kiwa boon ki jait ki kaam dei wym pynkrehkaam salonsar ya ka aiñ.
Ka seiñ da kdaw ko wa yeiwa chah phah Notice kiwa pynman yalang ha Mawlai yow pyrchah yei chah siat yap u C. Thangkhiew heiwa da em leh da ki hajar ngut kiwa lai tlep ya oo. Da ong leh wa i rukom phah Notice toh deiwa jied ya ki kattu katni wei ym em MLA wa yoh Notice wa lai cha i tlep bru.
Ka seiñ da ong ko wa ki dkhot yong ka leh em ki ha i lai tlep kamjooh ha ka yalang wa da pynman yow pyrchah wei ym em leh iyi pyrchah ya ki deiwa pynrap wa ileh ka DC katni da bien ko wow phah Notice ya kiwa tyngkheiñ kyndon katwa hawa ujor ka seiñ yeiwa tyngkheiñ kyndon da ka BJP ha ka yalang wa pynman ha Laban won ym bien ka DC wow leh iyi iyi leh.
Kamtæ ka seiñ da ong ko wa ini toh i leh chiliang ki bor District hawa bichaar ya ki ujor wa da yoh ki iwa da man du wow pynemkaam kam ka tiar pyrchah ya ki paidbah da ka sorkar wa katni.