Leh chiliang ka sorkar deiwa pynku ya ki kaam uiñke suwari ha Khasi Hills donhi katwa ka Jaintia Hills wa Garo Hills ym yoh bhah ki

Hadien wa ini wa dep da wan u Montri ka sorkar pyrdi uwa pait ya ka DoNER wow booh mooyurim ya kiwa boon ki kreh neibynta wow pynbha pynmiat ya ka thaaiñ Sohra kawa tip kam ka Integrated Sohra Circuit Development heiwa ki kreh dapoi ki hadooh Rs. 233 klur hapoh ka PM-DevINE.

Neiliang uwa kreh monsñiawbha uwa na Garo Hills uwa tip kam u Greneth Sangma da ong u wa ini i rukom bhah ya ki kaam pynroi heiyatoh wa ki kaam uiñke suwari toh kiwa noh chiliang heiwa ka Garo Hills wa ka Jaiñtia Hills ym em yoh bha ki.

Da ong u wa iwa booh mooyurim ini wa dep man ko waroh du ya ka Khasi Hills heiwa ka Garo Hills khamtam ki thaw ha South Garo Hills kawa boon ki thaw uiñke suwari ym em yaleh ka sorkar wow pynku ki wei ymtoh u leh chiliang kamni neibhah lada kamni da yoo ya iyi rap kheiñkor ka sorkar wow rah chajrong heiyatoh wa ki kaam uiñke suwari.

Neiliang u Greneth Sangma da thoh u leh ya ka chithi cha u Montri ka chnat Tourism ka jylla yow pynsñiaw yeini deiwa dawa wow yoh salonsor da waroh yow ya myntoilang.

Related posts

Ym chah ka kyndon wow chim bai lai ya kiwa im hapoh 20 Km na ka Toll Plaza: HITO Jaiñtia Hills

January 13, 2026

Rah uwi da u pseiñ wa pooh oo cha Hospital

January 13, 2026