Uwi u bru ya uwa da kwah ki pulit neidaw wa em ki FIR wa da ujor pyrchah ya oo ha kiwa boon ki Police Station ha Ahmedabad, Gujarat da chah kem u hadien wa yut wei yieñ u na kyndian iwi i yung wei da maham u wow khynthiar cha wah.
Ka Detection of Crime Branch (DCB) ka Ahmedabad City Police da ong ko wa uni u bru toh u Abhishek Tomar wa khut siñ kam u Shooter Sanjaysinh Tomar uwa da yut u na ki pulit la kattu katni por.
Hadien wa yoh khubor wa em u Abhishek ha Shivam Awas, Odhav neiliang ki pulit da lai ki wut-wut cha ini i thaw.
U Abhishek mar yoo u ya ki pulit da khang u ya ka dwar i yung wei ym em u wai u ka wot hadien wa phah ki pulit wei neitæ won da yieñ u ha kyndian i Balcony yong ini i yung.
Ki pulit hadien wa tympiah ki ya ka dwar da lai klam ki oo heiwa da leh Live Streaming u ya i Video ha Social Media da ka Mobile Phone, wei da maham u wow noh najrong.
Ki pulit ka Crime Branch da pyntip ki ya ka Fire Department kiwa da wan cha ini i thaw wei daa yoh noh wow kem ya oo.
Da pyntip leh wa em 6 tylli ki Case pyrchah ya u Abhishek.
Discussion about this post