December 31, 2022
Ka Dorbar Chnong Mukhla Nongrim ryngkat wa ka Niamtre Committee ynnin ka 30 tarik da pynman ki yei leh warom yaka sngi yap wa 160 snem u Kiang Nangbah uwa yaleh laitlooid nei kti ka sorkar pharæng, deiwa pynman leh ya ka yalang wa pynlai da u Bormi Sari, Chairman Niamtre Committee Mukhla Nongrim.
Da pynman leh yei booh syntu ha i dur yong u Kiang Nangbah da u Waheh Chnong, u Buhlut Suna wa u Secretary Chnong, u Standbyme Sari deiwa emlang ki dkhot ka chnong wei deiwa sakhi u kongsan ha kani ka sngi, u Eborlang Sari uwa man leh u Waheh Chnong warim ka Mukhla Umlangshor.
Neiliang u General Secretary ka Dorbar Chnong Mukhla Nongrim da khana u chaphang i im wa i lai luti yong u Kiang Nangbah nadooh ki por wa dang khynnah wei hadooh wa da chimkti wow yahkhmat u yaleh pyrchah ya ki chipai ka sorkar pharæng.
Da yoh leh ya ki kyntien snieñ na u Ryngkat Sari, Secretary Niamtre Committee Mukhla Nongrim, na u Buhlut Suna wei khaddooh da ya ki kyntien snieñ kyntien kroo wei kyrkhu kyrdoh na u kongsan.
Da pynphooh pynphieñ ya kani ka yalang da ki chaad tynre na ki khon khynroo ka chnong wei da pynman leh yei yasiat khnam pyllah wa jop da u Arki Suna, da yoh wa ar u Bram Suna wei da pynman leh ya ka yalehbol ha pchem ka yung Dorbar Chnong Mukhla Nongrim.
