Jowai : Ya ka 12 tarik u Ñaisaphra kawa da booh da ka United Nations kam ka sngi wow leh warom ya ka sngi ki Khynroo Khyllood ha waroh ka pyrthai ki tnat ka National Service Scheme (NSS) Unit yong ka Kiang Nangbah Government College wa ka Thomas Jones Synod College da pynman ki ya ka yalang wa kyrpang yow leh warom ya ka International Youth Day hapoh ka Auditorium ka Kiang Nangbah College.
Ha kani ka sngi da em u Principal ka Thomas Jones u Dr. R. Kharkongor da ong u wa ka ri India ki khynroo khyllood man ki kiwa khlan bor hadooh wa ye ki u pynkylla dur ya synchaar khadaar ka ri.
Neiliang uwa mihkhmat ka Kiang Nangah Govt. College u S. Chowdry Asst. Vice Principal da ong u wa kam ki khynnah khynroo khyllood emkaam ki u pyrkhat ya i rukom im ha ka pyrthai katni iwa man ko kawa pahooh hadooh kattæ kattæ wa ye u sdang ka thma bah wa le yow yaleh yei hok u yoh ka um.
U kongsan ha kani ka sngi u B.J. Kharchandi, EAC ong wa hanlada boon ki ki khynnah khynroo khyllood ha ka ri India, man ki kiwa chah tyngkhooh ha kiwa boon ki rukom hadooh i dooh i duk, i puræ puthi wa kamjooh leh u yooh ki laad wow im dei chait i khiah tangwa toh u man ki kiwa ye pyrkhat ya ka mynried yong ki yow ye u lait na waroh ini.
Da pynkut ya kani ka yalang da i klam na u J.P. Sharma, Asst. Lecturer ka tnat Philosophy uwa da e ya i klam hei yatoh wa ka “Personality Development”.
Heijooh ipor da saam leh ya ki khusnaam cha kiwa jop ha ka Slogan Writing wa ka Essay writing hajrong ka phang “Role of the youth in Nation Building”.
Ha ka Slogan Writing da jop da kini ha wah :
1st- Ezekiel Phawa uwa puræ ha KNGC.
2nd – Nemsing Dhar uwa puræ ha KNGC
3rd – Friday Lyngdoh uwa na TJSC
Ha ka yakop essay writing won da jop da kini ha wah:
1st – Ka Dolly Lamare na KNGC
2nd- U Weldon Garood na TJSC
3rd – Joshua Shadap na KNGC
Discussion about this post