Ka Jawahar Navodaya Vidyalaya (JNV) Mukhla, West Jaiñtia Hills ka skur neibynta ki chynrang wa kynthai wa pynlai da ka Navodaya Vidyalaya Samiti, Noida da lehbha ko haka Board Exam 2024 neibynta ka Class-X wa Class-XII wa pynman da ka CBSE heiwa ka Result da pynbna ynnin ka sngi.
Ki khynnah ka skur da yoh ki 100% ka Pass Percentage neibynta ka Class-X wa Class-XII.
Neibynta ka Class-X da em 78 ngut kiwa yaleh wei da Pass lut ki waroh heiwa 54 ngut da yoh 1st Division iwa mut kiwa yoh 1st Division da em 69.23% wei uwa yoh heh dooh na ki toh u Eborlangmi L. Dkhar uwa da yoh 88.6%.
Ha ka Class-XII Science kiwa yaleh da em ki 38 ngut heiwa da Pass lut ki waroh wei da yoh 1st Division 37 ngut iwa mut kiwa kiwa yoh 1st Division da em ki 97.36% heiwa uwa yoh heh dooh toh u M.E. Wanehun Dhar uwa yoh 92.8%.
Ha ka Class-XII Humanities kiwa yaleh da em ki 41 ngut deiwa Pass lut waroh heiwa kiwa yoh 1st Division da em ki 40 ngut iwa mut wa kiwa yoh 1st Division da em ki 97.56% wei da yoh heh dooh da u Generous Myrchiang uwa yoh 91.0%.
U M.E. Wanehun Dhar da yoh u leh 100 na ka 100 haka Chemistry iwa yaar bha wa em wa yoh kamni.
Neiliang u Principal ka skur, u Neeraj Kumar da e khublei ya ki khynnah kiwa da lehbhah kamjooh ki bei ki pa kiwa da ya krehlang yow poi cha kani ka thong kamjooh kiwa sikai kani ka skur.
Discussion about this post