Ha ka yakob pynyoo dohksah kawa tip kam ka Find Mr & Ms India Natural 2025-2026 kawa man leh kam ka Annual National Anti-Drug Bodybuilding, da pynman ya kiwa boon ki jait yakob deiwa lai chimbynta kiwa boon na Meghalaya.
Uwi na kiwa chong chnong ka Ummulong, u Dr. B. Desire Kynjiñ da yoh u ya 3 tylli ki Award wa kynthup ya ka Best Natural Coach, Best Gym Award neibynta ka Satar Gym wa ka Certificate wa tipmit ya oo kam u Find Natural National Judge.
Kiwa chibynta na Meghalaya da yoh ki boon tylli ki takma ksiar wa ki Overall ha kani ka yakob wa heh tam ha India hei yahkhmat u Dr. B. Desire Kynjiñ ya ka jylla kam u President ka Meghalaya Natural Bodybuilding and Fitness, kawa da pynman ha nongbah Guwahati ha ka 1 tarik uni u bnai.
Kiwa jop na Meghalaya na ki kamni:
U Airan Lyngdoh (Wahiajer) da jop u 3 tylli ki Gold Medal wei da man u leh kam u Overall Champion Denim Jeans Model.
U Mayalang Pakem (Jowai) da jop u 3 tylli ki Gold Medal ha ka Bodybuilding.
U Garry Massar (Mawlai) da jop u kawi ka Gold Medal wei kam u Overall Champion ha ka Classic Physique deilang wa ar tylli ki Silver Medal.
U Riodame Challam (Jowai) da jop u kawi ka Gold Medal.
U Samehok Shylla (Ummulong) won da yoh u ya ka Silver Medal.
U Caexkiddo Amando Paslein (Moodymmai) da yoh u ar tylli ki Silver Medal.
U Banteinam Khyriem (Mylliem) da yoh u 2 tylli ki Silver Medal.
U Mebashan Dhar (Wahiajer) da yoh u 2 tylli ki Silver Medal.
Discussion about this post