Jowai: Ka North Liberty Higher Secondary School, Jowai ynnin ka 28 tarik da pynkup burom ko ya ki khynnah skur yong ka kiwa da leh bha ha ka SSLC wa ka HSSLC (Arts) 2018 wa pynman da ka MBOSE.
Neiliang u Principal ka skur u Richard Uriah da e khublei u ya ki khynnah kiwa da lait waroh wei ym em wa chah ksoh wei da dooh ki leh wow poi hapoh ka Top 20 du chi mark donhi ha ka SSLC wei da yooluti u wa ha u snem wow wan daw em biang kiwa daw poi cha ka Top 20.
Neiliang ki khynnah wa dang dep lait da klam ka Aidamon Talang kawa pynmoo ya ki khynnah wow sñiawngooh ki ya kiwa sikai ya ki wei wym toh u em yei sñiaw dooh mynsien ha ka luti wa daw lai ki cha khmat.
U symbood kongsan ha kani ka sngi u Robert H Rees, Director PBT da ong u wa boon ki bru nei rem poi ki cha i jop deiwa e nongmuna ya kiwa boon ki bru kiwa pawnaam kiwa poi cha kliar u loom deiwa chah sikai ki hei rem yong ki.
U kongsan ha kani ka sngi u E.P. Kharbih, Retd. IAS da e khublei u ya kiwa sikai kani ka skur wei da pynkynmoo wa boon ki por ya u kajar wa dor boon kiwa ieh oo wei ya kini pathan ki kajar toh wow pynlut por wow pynbait ya ki.
Heijooh i por da pynkynmoo u wa ym du hapoh ki kamra skur wa ye u yoh ya i stat i tip em ki por leh deiwa chimbynta ki ha kiwa boon ki jait yakob kam cha palat ka skur daw pynyaar ko yei stat i tip.
Ha kani ka sngi da yoh leh ya ki chaad ki rwai na ki khynnah skur wei da em leh ka ya thung dieñ.
Discussion about this post