Jowai : Ka dong Khleihyongriang ynne ka 22 tarik da lehkmen ko yei dap 25 snem yong ka hei emlang u Dr. Prof. R.C. Laloo Deputy CM kam u kongsan wa u ma A. Shullai Deputy CEM JHADC.
Ya kani ka dong da seiñ nadooh snem 1991 wei da man Chairman wa nyngkong dooh da u ma Hamran Shylla wa u ma Tonny Rymbai kam u Secretary.
Nachwa ya ka Khliehyongriang da tip kam ka Synrangkhlieh da jooh khut leh kam ka Nohsamani kawa em markhap wa ka Chutwakhu wa ka Khimusniang. Ka bru wa wan sah nynkong dooh ha u snem 1975 ha kani ka dong toh ka kong (L) Nesi Passah kawa na Mission Compound wei hapooh 4 snem da mih sa 8 tyli ki yung. Ha kini ki por da sdang khut ya kani ka dong kam ka Electric.
Ha u snem 1989 da rai u e pyrtuid noh ya kani ka dong kam ka Khliehyongriang Colony.
Ha u snem 1990 da rai won wow rgister noh ya kani ka kyntoit Khliehyongriang kam ka Khliehyongriang Social and Cultural Club.
Ki pyrtuid ki dkhot wa seiñ ya kani ka club man ki kamni næ; u ma Hamran Shylla kam u President, u ma Tonny Rymbai kam u Secretary, u ma Pristlycome Nongpluh kam u Treasurer deilang wa ki dkhot u ma (L) Jopsing Dkhar, u ma Jerlin Ryngkhlem, u ma Kitbok Rymbai, u ma (L) Trust Nongpluh wa u ma Sati Phalyngki.
U Prof. R.C. Laloo hei klam yong oo ha ka yalang ynne ka sngi da yaroh u yei lai luti ka dong ha kini ki 22 snem wei da pynchlur u ya ki dkhot ka dong wow chim kabu ki ya kiwa boon ki skhim sorkar ki wow yarap u pynku pynroi ya ka dong.
U Prof. Laloo leh da wai u ya u moosahkynmoo ya kani ka lehkmen dap 25 snem ka dong. Da pyllait u leh ya ka kot sahkynmoo næ ka souvenir.
Ya kani ka lehkmen dap 25 snem daw pynkut ha kani ka tayaw da ki yakop chaad, rwai wa kiwi kiwi de. Da dep pynman leh ya kiwa boon ki yaleh ke ha chwa kani ka sngi kam ka Football Penalty Shoot Out, Yakhun kti, Taan tyllle wa kiwi kiwi.
Discussion about this post