Kam chibynta i lehkmen dap 50 snem ka Amlarem Civil Sub-Division, neiliang ka yung krehkaam ka SDO deiwa ya krehlang wa ka District Tourism Promotion Society (DTPS), West Jaiñtia Hills da pynman ko yei lai kjat hajrong ka phang wa ong, “Every Step Towards a Healthier Tomorrow.”
Ya kani ka lai kjat da kaweh lama da ka Vevotolu Kezo kawa man kam ka SDO deiwa emlang ka Assistant Commissioner, ka Amlarem Sub-Division, ka K. Rabha, u Sub Divisional Medical & Health Officer (SDM&HO), u Dr. A. Khonglah, kiwa mihkhmat na ka chnat Tourism wa ki Local Tour Guide ka Duia Trailblazer.
Waroh kiwa da chimbynta da em ki 140 ngut kiwa da wan na Shillong, Jowai wa kiwi de ki thaw wot kiwa na baar jylla.
Ini i lai kjat toh deiwa bood ya ka luti wa pynemkaam ki warim wajah wow lai cha Dawki wa Bangladesh deiwa lai lyngba ka wah Amskar wa ka yingkieñ jri ha chnong Amlamar heiwa da sdang na Lamin deiwa lai na Kudengthymmai wa Kudengrim.
Hadien wa pynkut yei lai kjat neiliang ka SDO da khana ko yeiwa kongsan wa da pynman ya kani ka lai kjat najrong wow pynneh pynsah ya iwa rim, u pynyoh leh yei chait i khiah kamjooh i chimbynta kiwa chong chnong chirup deilang.
Da chimbynta leh ha ini i lai kjat da u Deputy Director of Health, u Dr. R. Pohsnem wei da saam Certificate leh cha waroh kiwa da wan wow chimbynta.
Discussion about this post