Ka Laloo & Khon (Tpep-Pale, Jowai) ynnin ka 5 tarik da pynemwarom ki yei dap chi snem pura i lai luti nawa seiñ ya ka heiwa hei step da pynman dei e snaam sñiawbha namo ka Blood Donation Camp.
Ya ini i e snaam sñiawbha da pynman ha Blood Bank wa em ha Panaliar, Jowai hapoh i yahkhmat u President, u Wanmi H.C. Laloo wei da yoh yei klam na ka Greely Jone Suchiang kawa man kawa e buit ka seiñ katwa i pynsñiawthooh hajrong i myntoi i e snaam sñiawbha da yoh na ka Dr. I. Khyriem I/C Jowai Civil Hospital Blood Bank.
Hei janmiet nawon heipor 3:00 waje da em ka yalang wa pynlai da u Wanmi H.C. Laloo uwa da pdiang sñiawbha ya kiwa emlang nadooh ki dkhot wa kiwa chah khut sñiawbha wei da yoh leh i batai hajrong i lai luti ka Laloo & Khon.
Da yoh yei Ngooh Blai na u Manchwa Da O Laloo, i klam i kapæ na u Newill Lyngdoh uwa man u dkhot.
Neiliang u kongsan uwa man leh u Waheh Chnong ka Tpep-Pale, u Heibor U Tre Syngkon da e khublei u ya kani ka Laloo & Khon wa em mynsien ko hei wow yarap para bru dei snaam wei da kitbok kitrwiang u yow lai chakhmat yow em i maya wei wow yatoh yumut.
Kiwi kiwa da em ha kani ka sngi toh u Becareme Dkhar, General Secretary ka Tpep-Pale uwa da man kam u symbood kongsan ha kani ka sngi, ka Dr. I. Khyriem wa kiwi.
Yei e khublei da yoh na u Vicky E Suchiang uwa man kam u Secretary ka Laloo & Khon wei yei ngooh Blai pynkut da yoh na ka Greely Jone Suchiang.
Discussion about this post