theme-sticky-logo-alt
theme-logo-alt
Advertisement ad1

Lehkmen Golden Jubilee ka Jingiaseng Samla War Sepngi District

Ka yaseiñ lehkmen yei dap 50 snem (Golden Jubilee) yong ka Jingiaseng Samla War Sepngi District (War Jaintia Presbytery), da pynman ha ka 10-12 tarik uni u bnai ha ka Balang Presbyterian Sohkha kawa man ka Headquarter yong ka War Sepngi District.

Da sdang ya ka yaseiñ ha ka 10 tarik da u Rev. E Sanglyne (Ex-Executive Secretary KJP Synod Mihngi In-charge Jingiaseng Samla) uwa da wan wai ya u mot (Tablet) yow pynsah kynmoo wei kamjooh leh da e u yei klam wow wai ya ka phang pyrdi namo ka Theme kawa ong “To nang beh ban ithuh ia U Trai.” (Hosea 6:3). Ha kani ka yaseiñ, ka Jingiaseng Samla Balang Presbyterian Sohkha da e ko ya i rwai pdiang wei kamjooh leh ka Standing Choir yong ka Jingiaseng Samla District da e ki yei rwai Theme Song wa pyrtuid “To nangbeh ban ithuh ia U Trai”. Da yoh leh wow wai ya u mot Tablet wa kamjooh leh da yoh wow ah ya u Cake Jubilee ha kani ka sngi.

Ha ka sngi wa bood da yoh wow saam ya ki tiar sahkynmoo namo ki Mementoes ya kiwa kitkaam yong ka District (ki Chairman wa Secretary) wa ya kiwa da e kyllooid mynsien lyngba i kreh yong ki ha ka District ha kini ki snem wa da lai.

Ha ka sngi kawa bood katæ ha ka sngi Sunday da yoh wow pynman ya le tylli ki yaseiñ paidbah. Ha i por 10:00 waje i step da pynlai ya ka yaseiñ u Rev. L. Manner wei uwa klam ha kani ka yaseiñ toh u Rev. T.W. Wanshong. Ha i por 1:30 i sngi da pynlai ya ka yaseiñ da u Rev. Dr. S. Hayong wa i klam na u Rev. H.K. Nongbsap. Ha i por 6:30 i janmiet da pynlai ya ka yaseiñ da u Rev. H.S. Rapthap wa i klam na u Rev R.M. Muktieh.

Da yoh yei klam e khublei neiliang yong ka District da u TBn. W.K. Lamin (Secretary Golden Jubilee Celebration Jingiaseng Samla War Sepngi District) wei neiliang yong ka Balang da u TBn. V.L. Gadew wei kamjooh leh da yoh yei rwai e khublei na ka Jingiaseng Samla Balang Presbyterian Sohkha.

Kiwa chimbynta ha kani ka yaseiñ lyngba ki rwai e mynsien wa Choir toh ka Jingiaseng Samla Balang Presbyterian Sohkha, ka Standing Choir Jingiaseng Samla War Sepngi District, Jingiaseng Samla Balang Presbyterian Kudeng Thymmai, Jingiaseng Samla Balang Presbyterian, Jingiaseng Samla Balang Presbyterian Dawki, Jingiaseng Samla Balang Presbyterian Padu Mawsku, Jingiaseng Samla Balang Presbyterian Darrang, Jingiaseng Samla Balang Presbyterian Khonglah, Jingiaseng Samla Balang Presbyterian Mathmat, Jingiaseng Samla Balang Presbyterian Mawlong, Jingiaseng Samla Balang Presbyterian Shnongpdeng, Jingiaseng Samla Balang Presbyterian Lamin wa ka Jingiaseng Samla Balang Presbyterian Nongkrem.

Share this:
Previous

I dor thymme i phñiang charak ha West Jaiñtia Hills

Next

Daw lehkmen dap 50 snem ka jylla lada booh chwa ya ki Police Outpost : Adelbert