Ka seiñ Akhil Bharatiya Vidyarthi Parishad (ABVP) Meghalaya Unit da lehkmen ko yei dap 77 snem yong ka seiñ deiwa pynman ya ki Mini Marathon ha ki 10 tylli ki thaw kamjooh leh da ki 8 tylli ki Unit yong ka ABVP Meghalaya wa kynthup ha Khliehriat, Jowai, Shillong, Mairang, Nongpoh, Ampati, Baghmara, Tikrikila kamtæ ter ter.
Da pynman leh ya ka General Knowledge Test ha palat 10 tylli ki skur wei da pynman leh ki Awareness Program heiyatoh wa ka kaamram yong ki kynroo kyllood yong i u pynmiat pynbha ya ka ri yong i waka jaitbru waroh kawi. Da pynman leh ya ka yakob rwai wei chaad da ka Mairang Unit.
Ha ka 8 wa 9 tarik, ka ABVP da pynman ko da ki Mini Marathon heiwa da wan wow chimbynta da 700 ngut ki chynrang wa kynthai wei ha ka General Knowledge Test da em kamwa 1000 tam ki kynnah puræ wa chimynta, kamwa 80 ngut ki kynnah wa embynta ha ka Awareness Program, kamjooh leh 20 ngut tam kiwa chimbynta ha ka yakob rwai wei chaad.
Ha kini kiwa boon ki yalang wa ki yakob da khut sñiawbha leh ya ki kongsan heiwa ha Khliehriat da wan da u Ban Papang uwa man kam u Vice Principal yong ka Jaintia Eastern College Khliehriat, ha Jowai da wan da u R. Dhar uwa man kam u Sub-Inspector yong ka Jowai Police station, ha Shillong da wan da u Dr. Vijay Kumar, Director ka NEIAH kamtæ ter-ter.
Neiliang yong ka seiñ won da embynta ki Senior Member kam ka Nibiang Sumer kawa man ka Central Working Committee Member, u Tengku M Marak, State Secretary, u Eningstar Lytep, State Joint Secretary, u Bomsing Khongtir, National Executive Council Member, ka Promila Tham, State Joint Secretary wa kiwi tawon ki heh yong ka.
Ka ABVP da pyntip ko wa da pynman ya kini waroh deiwa em ka thong wow ya krehlang neibynta ka imlang sahlang kamwa ka Marathon da em ka phang kammon u pyndooh jait yei pynemkaam Drugs kamjooh leh kamon u man i kiwa yatylli.
Discussion about this post