Jowai: Haka 9 tarik uni u bnai, ka G-Tech Computer Institute kawa em ha Mooslyngkat, Jowai da lehkmen ko yaka lyngkhooh snem wa nyngkong deiwa pynman leh yaka saam Certificate cha kiwa lai puræ haka.
Ha kani ka sngi yaka yalang da pynlai da u Arban Lyngdoh uwa man leh u dkhot yong kani ka Institute, wei da wan wow wai pyrda ya kani ka lehkmen da ka Conguestina Lyngdoh kam ka kongsan hei emlang u Tbn K. Kyndait chirup kiwa sikai wa kiwa lai puræ ha kani ka thaw.
Ka kongsan hei klam yong ka da ong ko wa ha kani ka juk wow tip u pynemkaam ya ki Computer man ko kawa emkaam bha hadooh kattæ kattæ yow yoh khih yoh kreh. Da kyntu ko leh ya kiwa lai puræ wow kheiñkor yei por wei wow man kiwa biang por. Chooh chooh da ong ko wa emkaam leh wow em i pyrkhat pyrdaiñ wa biang wa bait, u man kiwa em akor wa kiwa em salon.
Ha kani ka sngi da saam yaki Certificate wa kiwa pyndep yaka DTP, CIT wa DCA.
Discussion about this post