Ka Kiang Nangbah Government College, Jowai ynne da lehkmen ko yei dap 58 snem namo ka Foundation Day da ka yalang wa da pynman ha College Auditorium heiwa da wan wow embynta lang da u Education Minister, u Rakkam A. Sangma deilang u Lahkmen Rymbui, Chief Adviser ka sorkar Meghalaya ,u MLA ka Jowai, Wailadmiki Shylla wa u Adviser ka chnat Education, u HM Shangpliang.
U Rakkam hawa e yei klam da e khublei u ya ka Kiang Nangbah Government College wa da ye ko wow pyndep ya 58 snem i lai luti deiwa yaroh ya kani ka chlem e sikai yei chakri wa miat wa bha neibynta ki paidbah ka thaaiñ.
Da ong u wa ka puræ puthi ymtoh ware yow yoh kyrdan, yow yoh kreh sorkar tangwa kammon wow pynwandur ya u bru yow man u uwa ye wow wanrah ki myntoi ha ka imlang sahlang kamwa da booh thong ha ka National Education Policy (NEP) 2020 kawa da chynna jngai yow pynkhreh ya kiwa lai puræ ha kini ki spah snem wa daw wan.
Da ban joor u leh yei emkaam wow em kiwa sikai da kiwa biang kiwa ye sakhiat wow pynhun yei jabieñ wei yei thrang yoh stat kiwa lai puræ.
Da khana u leh wa lyngba ka Integrated Teacher Education programme (ITEP) Course ka myntoi daw man ko ya kiwa lai puræ.
Da yaroh u leh ya ka sorkar wa katni kawa da yaleh wow pynchna pynmiat yeiwa emkaam wei daw pyndap leh ya ki kreh kiwa sikai wa man thylli katni.
Da klam u hajrong i boon kiwa dam yei lai puræ chiteiñ por hapoh ka jylla deiwa khut yei ya krehlang kiwa boon nadooh kiwa sikai, kiwa kreh sorkar kamjooh ka imlang sahlang yow pynchlur ya kiwa dam skur wow uiñ biang ki neibhah khlem ka puræ puthi daw chitom u ye u jop yeiwa boon iwa eh ym du ha Meghalaya næ India tangwa ka pyrthai waroh kawi.
Ha kani ka sngi, u Montri da wai u leh ya u moo sahkynmoo ka ITEP.
Da pynkupburom leh ya kiwa yoh PhD wa kynthup ya ka Dr. Sharailyn War Sohlang waka Dr. Saralyne Kharbhih, ka Topper ha Botany, ka Naina Limbu wa u Topper ha ka Physics, u Mysonity Thoo.
Discussion about this post