May 15, 2019

Lehkmen ka Meghalaya Football Association yaka AFC Grassroots Day

by Wyrta Staff

0 Comments

Advertisement ad1

Shillong: Ka Asian Football Confederation (AFC) lehkmen ko ya ka Grassroots Day man ka 15 tarik uni u bnai yow pynchlur ya waroh kiwa em ha ki bynta waphær waphær ka yalehke Football wow chimbynta ki deiwa chongchit kamjooh wow taan ya kiwi kiwa ym tip chaphang ka Football.

Heiyatoh wa ini, ka Meghalaya Football Association (MFA) da lehkmen ko ya kani ka Grassroots Day haka 11 tarik wa da dep da ki yalehke Football ki kynthai ha Third Ground, Polo, Shillong.

Advertisement ad1

Advertisement ad1

Ki kynthai na ki 5 tylli ki skur da chimbynta ki ha ki yalehke wa mar 5 ngut chilliang wa ki yakob pynyoo yei sap namo ka Skill Challenge, hapoh i yahluti ki Coach ka MFA wa ki Referee iwa da pynman ya ka sngi wa kmen wa chonghit ya waroh.

Ka St Mary’s Higher Secondary School da jop ko yaka Mini-tournament da ka yachut Penalty pyrchah ka liang wa pynmih daka jylla.

Ka AFC ong ko wa i thmu ka Grassroots Football toh neibynta waroh nadooh ki khynnah, ki wa da heh hadooh kiwa em i duna ha i doh i pran.

Ka MFA daw pteiñ ko ya ini i lehkmen ha kani ka 18 tarik deiwa pynman ya kiwa boon ki jait yalehke.