15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Lehkmen ka MLRDS ya ka National Youth Week 2021 ha chnong Bataw

Advertisement ad1

Ka seiñ ki wakreh monsñiawbha kawa em hapoh East Jaiñtia Hills District kawa tip kam ka Mait Lynti Rural Development Society (MLRDS) kam chibynta wow lehkmen yaka Culture Day ynne ka sngi, da pynman ki yaka Culture Programme ha Community Hall yong ka chnong Bataw.

Ha kani ka sngi da ya chimbynta da ki khon khynroo yong ka chnong Bataw wa kynthup ya ki khon khynroo khyllood yong ka Seinraij Bataw wa kiwi kiwi de ki khon khynroo ka chnong Bataw na ki dong waphær waphær.

Da wan wow sakhi ya kani ka sngi kam u kongsan da u Waheh Chnong ka Bataw u Bhalang Suchiang, u Assistant Waheh Shnong, u Ampli Rupsi, ki dkhot chnong wa ki manbei manpa yong ka chnong Bataw.

Ya ka yalang wa btian da pynlai da u Deihok Sumer, General Secretary, hei emlang u Bilis Pyrtuh, President yong ka Mait Lynti Rural Development Society wa kiwi kiwi de ki dkhot ka Society hei emlang leh ka Sakabanri Dkhar kam ka Volunteer na Khliehriat kawa wan naka NYK, Jowai deilang wa ki paralok yong ka.

U kongsan hei klam yong oo da pynsñiaw u yei sñiawngooh ya ka sorkar bei lyngba ka Ministry of Youth Affair & Sports lyngba ka Nehru Yuva Kendra, Sangatham, Jowai wa da pynman ko ya kani ka tayaw lehkmen yong ki khynroo (National Youth Week 2021) deiwa pynman ya ka Culture Day Programme lyngba ka Mait Lynti Rural Development Society kam chibynta wow kynrong ya ka riti ka dustur yong i kam ka jaitbru Pnar ha ki liang waroh. E khublei u kamjooh ya kani ka Society kawa da thooh ki laad ki luti wow pynman kam kani ka yalang kawa emkaam bha ha kini ki por ka juk thymme yow pynneh pynsah ya i yong u warim kam ka jaitbru wa khian.

Kam chibynta wow pynchlur ya kiwa chimbynta neiliang ka Society da saam ko leh ya ki khusnam cha kiwa jop kiwa yoh nyngkong hadooh wa le kamjooh da saam leh ya ki Consolation Prize cha kiwa chimbynta lang waroh.

Yei naam jop da yoh rah da ki khon khynroo ka Seinraij Bataw kiwa e dei Chaad Pliang hei sur tynre, yei wa ar da yoh rah da ka Fibalawanpli Suchen na Dong Umstyndong katwa yei wa le da yoh pdiang da ki khon khynroo ka Dong Kniamurit ka Natmon Biam wa ka Merika Suchiang kiwa e dei rwai wei chaad warep nongkyndong.

Ha kani ka sngi neiliang ka Society kam chibynta u e khublei snem thymme wa suk wa kmen da saam ko leh ya ki Calendar cha kiwa chimbynta waroh.

Kani toh ka kyrwoh khubor wa da phah da u General Secretary ka Society.

Share this:
Previous

Toh u thung da Prof. SM Sungoh kam u VC ka NEHU: CEM

Next

Du 321 ngut ki kynnah skur wow chimbynta ha ka Republic Day Parade uni u snem