theme-sticky-logo-alt
theme-logo-alt
Advertisement ad1

Lehkmen ka PWDS waka DSWO ya ka sngi kyrpang kiwa duna hei doh i pran ha Mukhla

Kam chibynta wow ya ksohkti lang wa ka pyrthai waroh kawi wow kynmoo burom ya ka sngi wa kyrpang yong ki bru wa em duna ha i doh i pran, ka People’s Welfare & Development Society (PWDS) deiwa ya krehlang waka District Social Welfare Office, West Jaiñtia Hills, Jowai da lehkmen ya ka International Day of Person with Disability 2021 kawa da pynman ha ka 3 tarik uni u bnai ha chnong Mukhla, kawa haap hapoh ka Thadlaskein Block, West Jaiñtia Hills District. Ka phang pyrdi ha kani uni u snem toh, “Leadership and participation of Person with Disability towards an inclusive, Accessible and Sustainable post Covid-19”.

Da sdang ya kani ka sngi da ki yalehke waphær waphær deiwa chimbynta pura da palat 100 ngut ki bru wa duna ha i doh i pran kiwa da wan ha kani ka sngi. Da pynman ya ki yalehke pynpdung Balloon wa yoh nyngkong da ka Phidalin Manar, wa ar u Elnathan Pariat wa le da u Jonathan Pariat. Ha ka yalehke yaknieh chuki (Musical Chair) da jop nyngkong da u Michael Phawa, wa ar u Sahnam Suna wa le u Kamnipaia Phawa wei ha ka yalehke Passing the Ball da yoh nyngkong da u Suni Sumer, wa ar ka Durka Sari wa le u Sumarki-O Bhoi.

Hadien ki yalehke da pynman ya ka Health Check-up neibynta waroh kiwa wan ya chimbynta wei da e leh ya ki dawai cha kiwa emkaam da ki Doctor wa ki wakreh yong ka Ummulong Community Health Center.

Hadein wa pynman ya ka Health Check-Up, da pynman ya ka yalang wow lehkmen ya kani ka sngi heiwa ka J. Synnah, District Social Welfare officer, WJH da batai che ko yei mut ini i lehkmen deiwa khana che leh ya ki laad yarap (Scheme) wa da yoh na ka yung krehkaam yong ka.

Neiliang yong ki bru wa em i duna ha i doh i pran da yoh yei klam na ka Durka Sari kawa na Mukhla Nongrim kawa da e khublei wei sñiawngooh ya kiwa pynman ya kani ka yalang wei kamjooh da pyntip ko yei eh wa da maad ki hei lai luti yong ki.

Kiwi de kiwa da chimbynta toh ka yung krehkaam ka District Legal Service Authority, West Jaiñtia Hills, heiwa da yoh yei klam na u L.S. Ymbon, muktiar uwa da batai chaphang ki aiñ wow yada ya ki bru wa em duna hei doh i pran wa kamjooh naka District Rehabilitation Centre, Ialong Civil Hospital hawa da yoh yei klam na u Dr. P.M. Pyrtuh uwa man leh u Nodal Officer DRC uwa da batai che chaphang i emkaam ya ki UDID wa Certificate khang wow ye u yoh ki myntoi kiwa boon.

Da saam leh ki khusnaam cha kiwa jop ha ki yalehke waphær waphær wa ki e sñiawbha cha waroh kiwa chimbynta.

Share this:
Previous

U James dei miet dei miet Phone MDC u wym toh u yarap ya ka Congress ha ka Election: Vincent

Next

Chem ki pulit yei metyap ka khynnah kynthai wa wiar hadien wa wan thoh Exam