Ka Raj Bhavan, Shillong deiwa ya krehlang waka chnat Arts & Culture Department ka sorkar Meghalaya deilang waka Indian Council for Cultural Relations (ICCR) Shillong, ynnin da lehkmen ki deiwa pynman yei pynyoo rong yei chaad tynre kam chibynta wow lehkmen yaka 64th Foundation Day ka Maharashtra wa Gujarat.
Ya kani ka lehkmen da wan wow sakhi da u Lat ka Meghalaya, u Phagu Chauhan kam u kongsan deiwa emlang u Principal Secretary u Lat, u Harish Chandra Chaudhary wa kiwi de kiwa chah khut sñiawbha.
Ha kani ka sngi da yoh yaki chaad ki rwai tynre yow pynyoo chaphang ka riti dustur ka Maharashtra wa Gujarat najrong wa yoh leh u maad yei baam yong kini ki ar jylla.
Da pynyoo leh ya i klam u Lat ka Gujarat, u Acharya Devvrat ha kani ka yalang.
Ini i lehkmen yaka sngikha ki jylla ka ri man ko kam chibynta i thong ka sorkar pyrdi iwa ong ‘Ek Bharat Shreshtha Bharat’ yow wanrah i sñiawthooh hapyrdi ki jaitbru wa boon ki jylla ka ri.
Discussion about this post