Ki chipai ka BSF Meghalaya kam chibynta wow pteiñ yei khanglaad yaki kaam pyrchah aiñ ha khappood waka ri Bangladesh, haka 29 tarik u bnai wa dep da yoh ki wow kem ya soo ngut ki nong India deilang wa 28 tylli ki masi ha ki khappood ka South West Khasi Hills.
Ya kini da yoh kem da ki 193 Bn ka BSF Meghalaya, wei ya kini ki 28 tylli ki masi da kit da ar tylli ki kari Bolero Pickup wei da chah ksoh ki heipor wa dang lai ki cha khappood waka Bangladesh yow khayi tooh. Hawa pynsangeh ki BSF ya kini kiwa yah kari deilang wa kiwa yarap yah ym ye ki wow sai kiwon kiwon ki kot ki sla wow pynsakhiat wa leh ki yeini katkam ki kyndon ka aiñ.
Ya kini ki masi deilang waki bru da e kti cha ki pulit ka Dangar yow leh ki yeiwa emkaam.
Ha iwi won i yoh kem, ki chipai ka 01 Bn BSF deiwa ya krehlang waki pulit ka Meghalaya da yoh ki wow kem ya 16,000 Kg i chini iwa da ieh ha iwi i yung wym em wa sah iwa em hapoh iwi i khloo hajan u pood waka Bnagladesh.
Yeini i chini da e kti ha ki pulit ka Rongra Police Station wa em ha South Garo Hills.
Discussion about this post