Kam chibynta wow kynmoo burom ya ka National Sports Day, ka Shangpung College, West Jaiñtia Hills District, ynne da pynman ko ya ka Sports Day hapoh ka College Campus.
Ha kani ka sngi da chimbynta da kiwa lai puræ wei kamjooh leh wa kiwa sikai ka College.
Ki jait yakob wa da pynman kynthup ki ya ka yalehbol neibynta ki chynrang, ka Dat Moopoiñ, ka Yataan Tylle, ka Penalty Shootout ya ki kynthai, ka Long Jump waka High Jump.
Hadien wa da kut ki yakob da yoh leh u saam khusnaam cha kiwa jop ha kini ki yalehke waphær waphær.
Ka Dr. D. Rymbai, kawa man leh ka Vice Principal, da e ko yei klam neibynta kani ka sngi wa kyrpang deiwa e mynsien ko leh ya kiwa chimbynta.
Neiliang u Hamjngai S Lyngdoh, Coordinator da pynkut pynwai u ya kani ka Sports Day.
Discussion about this post