Jowai: Kamwa man ha kylleiñ ki thaw yong ka ri, ki chnat krehkam ka Union Bank ynne ka sngi da lehkmen ki yeidap 100 snem pura i e chakri ko yaki paidbah heyatoh i rukom pyllang poisa, ki rukom pynlai pynwan yaka poisa wa kiwi. Ha Jowai leh da sakhi waka chnat krehkam wa em ha Newhill da ya ksohkti lang ko wow lehkmen ya kani ka sngi.
Ka Union Bank em ko palat soo hajar tylli ki chnat krehkam ha kylleiñ ki thaw yong ka ri, hapoh jylla Meghalaya em ko 5 tylli, 2 tylli ha Shillong, 2 tylli ha Garo wa kawi ha Jowai kawa da sdang nadooh u snem 2010.
Da emlang ha kani ka sngi lehkmen u Rev. Chedrack K Nongbri, u Nehemayah Tyngkan, u Tbn. B.N. Lamare, u Branch Manager kani ka Bank u L. Maninthang, u waheh chnong Newhill, ki paidbah wa pynemkaam ya kani ka Bank wa kiwi kiwi.
U Rev. Chedrack K Nongbri hawa e yei klam da baan joor u yei emkam wow man kiwa khooid hei kaam poisa poilaiñ, neibhah ka poisa toh kawa ood wa naam.
Da ong haroh u ka poisa wa khooid wanrah ko yei rukom im wa man bait, katwa ka poisa wa tngit won yah bakla ko wei pynsih yei im u bru. Kamtæ kyntu u wym toh u kmen yaka poisa wym toh hok, neibhah toh u yoh yei kmen mynsien deiwa man khooid wei deiwa miat deiwa imbha.
Chooh chooh kamwa ka Bank sikai ko kammon wow pyllang wow pynlai pynwan yaka poisa, booh haroh u i kyntu wow man ki bru wa biang yukheiñ yudiah wei wow tip u booh ryntih yaka khnang yow dap u biang i im.
Heijooh i por kyrkhu kyrdoh u ya kani ka Bank wow nangku ko chaphrang wei u ye chooh chooh ko u e i kyrkhu ya u paidbah.
Discussion about this post