15 49.0138 8.38624 1 0 4000 1 https://wyrta.com 300 0

Yaroh ka KDA yaka JSU wa pynkup burom yaka Amabilis Mulieh kawa tlot hei bor khmat kawa da pyndep yaka BA

0 Comments
Advertisement ad1

Jowai: Ka Khasi Disabilities Association (ka seiñ yong ki bru kiwa em i duna ha doh i pran) da pynsñiaw ki yei sñiawkmen ya ka Jaiñtia Student Union, Shillong Circle wa ha ka 09-11-2019 da pynkup burom ki yaka Amabilis Mulieh kawi na ki bru kawa duna ha i bor khmat kawa ym chyna dei iyi iyi leh (Blind 100%) kawa na ka chnong Khanduli kawa da pyndep yaka Bachelor of Arts ( History Honours) Examination-2019 na NEHU.

Ka KDA da ong ko wa ki bru wa duna ha i bor khmat wow pyndep ki yaka SSLC, HSSLC, BA ym toh kawa suk wei ha kiwon kiwon ki pynkup burom da ki seiñbhalang ya kiwa pyndep yaka puræ hadien wa pait ki yaka Percentage ki bru kiwa em i duna ha i doh i pran da chah kyntait chwa ki, tangwa ka JSU Shillong Circle ka da pynkup burom ko yaka Amabilis deiwa pyrkhat yei kyrdan ha ka imlang sahlang.

Katkam wa tip ka seiñ KDA da man ko ka sien wa nyngkong ha ka jylla wa kawi na ki seiñbhalang da chim ki ya kani ka luti wow pynkup burom wei yooluti ki leh wa neini chakhmat kiwi ki seiñbhalang daw bood ki ya kani ka nongmuna wa leh da ka JSU ha kiwon kiwon ki pynkup burom ya kiwa da leh bha haka puræ puthi waphær waphær, deiwa kynthup lang leh ya ki bru kiwa em i duna ha i doh i pran khlem da pait yaka Percentage yow man ko kam wow pynchlur wei wow e mynsien ya ki.

Ka kyrwoh na u Starwin Kharjana (Hearing Loss Disabled 87%), President Khasi Disabilities Association (CB).

Also Read: Chongkun ka All Jaiñtia Meet 2019 ka JSU-Shillong Circle

0 Comments

Leave a Reply