Jowai: ka Women Welfare Organisation, Seiñraij Jowai leh dachim ko wow pynman ya ka yalang lehburom kyrpang ya ki khynnah wa em hapoh ka Creche wa ka Play School yong ka heiwa hapyrdi i sakhilang ki bei ki pa yong ki khynnah wa u Pa Dolloi ka Elaka Jowai u Puramon Kynjing heiwa u W. Challam, Rt. Joint Director, Education Department Govt. of Meghalaya da man u kam u kongsan.
Ka Hima Lakiang, Chairperson WWO, Seiñraij da e ko ki kyntien yahkhmat hajrong ka thong yong kani ka sngi deiwa khana parom malum malæ chaphang u Pandit Jawarhalal Nehru neitæ da pynbood i ngooh blai ngooh syiem na ka D. Kyndiah katwa ha ka bynta wa kut won ka Julianna Challam, Secretary WWO da e ko ki kyntien khublei.
U W. Challam hei e kyntien kam u kongsan e u i yaroh ya ka WWO neibynta kiyi kiyi ki kaam wabha ki yong ka ya ka imlang sahlang wei da ban joor u leh ya ki manbei manpa wa kiwa sikai, kiwa pait ya ki khynnah wow e ki yei maya wa sarot tam ya ki khon næ ki khynnah neibhah ka rta ka por dang dawa ko wow yoh chwa ki ya kitæ kiyi kiyi waroh.
Chooh chooh leh da pynkyrpang wei pynka-it yei man wei sñiaw ki khynnah ha kani ka sngi deiwa ka WWO da e sñiawbha ko ya ki khynnah da ki tiar kyndeh-ke, i ah yow Cake Children’s Day da u kongsan wei da saam yei baam cha waroh ki khynnah.
Discussion about this post