Lehkmen sngi kha u Sanbor wa ki khonswet deiwa e yarap leh Rs. 7 lak

U MLA ka South Shillong, u Sanbor Shullai da lehkmen u ya ka sngi kha wa dap 58 snem u deilang wa ki khonswet ka Rilang Children’s Home ha Nongshiliang, Nongthymmai, Shillong.

Ha kani ka sngi da emlang leh kiwa pynlai ya kani ka Children’s Home wa kynthup ya u Director, u Rev. Fr. James Thyrniang wa ki khynnah kiwa da e yei rwai wa sñiawsuk wei e khublei sngi kha ya u Sanbor wei da pynbood won sa i ah Cake.

U Sanbor heithaw wow pdiang yei e sñiawbha ha ka sngi kha, da saam kylla u yei e sñiawbha cha ki khynnah wa waroh kiwa em ha katai ka lehkmen.

Related posts

Chem metyap na wah Umsuwai

February 27, 2026

Pynlait ka sorkar ya 84 tylli ki Bus thymme wa kynthup ya 55 tylli ki Electric Bus

February 27, 2026

Ha kani ka sngi hadien wa da yoh yei pynsñiaw na kiwa pynlai ya kani thaw yei emkaam ki ya kawi ka madan Basketball, neiliang u Sanbor da kular u wow e na kata Rs.7 lak.

Hawa klam ha kani ka sngi, u Sanbor da ong u wa nadooh wa dang khynnah ym jooh pynlut phut u da ki phaw lak wow khawai u yachaad lehkmen wow ya baam ya dih sngi kha, tangwa sñiaw u wa heithaw wow leh kamni dang bha wow e yarap cha kitu kiwa emkaam.