theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Lehkmen sngi laitlooid ka East Jaiñtia deiwa pynkup burom ya kiwa boon 

Kamwa da leh ha chityllup ka ri, ya ka sngi laitlooid ka ri da lehwarom lang ha East Jaiñtia Hills District, Khliehriat ha Khliehriat Higher Secondary School Playground heiwa u Montri wa pait ya ki kaam bhalang ka jylla, u Kyrmen Shylla da pynhær u ya ka lama ka ri wei da chim u ya ka Rashtriya Salute na ki pulit ka Meghalaya Police, NCC, Scouts Guides wa ki khynnah skur.

Ha kani ka sngi u Kyrmen Shylla, da pynkup burom u ya u Riyo Phawa, Principal ka Cham Cham Secondary School wa da kreh u neibynta i puræ puthi, da pynkup burom leh ya ka Chiehruphi Secondary School, ka Holy Trinity Secondary School, ka K.B. Memorial Secondary School, ka Little Star Secondary School, Ladrymbai, ka Narpuh Modern Secondary School, ka Sacred Heart Secondary School, Byndihati, ka Sanshnong Secondary School wa ka Wapung Higher Secondary School hadien wa lait lut ki khynnah kini ki skur ha ka Secondary School Leaving Certificate (SSLC) Examination 2022.

Advertisement ad1

U Montri da e khusnaam u leh ya ka chnong Mukhain wa ye ko u yakhun pyrchah ya i pynemkaam drugs ha ka chnong wei da e kti u leh ya ka Kayakalp Award cha ka Pamra-Paithlu PHC, Rymbai PHC, wa ka Sutnga CHC wa wanrah ki yei khooid i jngiar ha kini ki thaw sumaar.

Da yoh khusnaam leh u Edigio Paia Shylla na ka Sacred Heart Secondary School, Byndihati uwa da yoh ya i kyrdan 16 ha ka SSLC Examination, 2022. Ka Graceful Manar na Saipung C&RD Block wa ka Sanjan Chyrmang na Wapung C&RD Block da pynkup burom ya ki heiyatoh wa i chakri yong ki ha i chait i khiah.

Ka Aihun K Lyngdoh Tron, kwa thoh khubor ka Mawphor da pynkup burom ya ka ha i kaam pathai khubor, ka Umkyrpong wa Ratacherra heiyatoh wa pynduna ya ki khynnah wa dam skur chiteiñ por namo ki School Dropout Children hei rta 6-14 snem. Ka chnong Khahnar wa ka chnong Moolamylliang heiyatoh wa ka 100% Institutional Delivery namo i kha khon ha ki thaw sumaar katwa ka ka Semasi, Tuber Kmaishnong wa ka Natbor heiyatoh wa ka 100% Routine immunization Coverage namo i pyndep i e tika hapoh ka District.

Kiwi ki khusnaam kynthup ki ya ka Best Performing Village Employment Council (VEC) hei pynkrehkaam ya ka Rural Development Scheme, ka Overall Best Performing Village hapoh ka Meghalaya Livelihood and Access to Market Project (M-LAMP), Best Performing SHGs, Best Performing Village Organization wa kiwi kiwi.

Ha kani ka sngi da pynwyrngia ya ki paidbah da ki chaad, ki rwai wa kiwi kiwi.

Advertisement ad1
Share this:
Previous

Pynman u Lat ya ka lehkmen sngi laitlooid ha Raj Bhavan

Next

Deiwa rah ya ka lama wa 100 Meter lehkmen ka ABVP ya ka sngi laitlooid ha Mairang