Ynnin ka sngi ka ABVP Jowai Town Unit da pynman ko yaka yalang neibynta wow lehwarom yaka International Day of Forests ha Government Girls’ Higher Secondary School, Jowai.
U kongsan ha kani ka program toh u Tommydayo Suchiang wei kam u kongsan da ban joor u yei emkaam ki dieñ ki siej wei wa kammon u pynneh pynsah ya ki.
Ya ka yalang da pynlai da ka Mansa Tang wei da yoh i klam pdiang burom na ka Delis Shylla kawa man kam ka NEC Member heijooh i por kam ka State Joint Secretary yong ka ABVP.
Ka Dr. Waisa Sumer, ka In-Charge Principal yong ka skur da ban joor ko yei emkaam u pynneh pynsah ya ka bei ramaw deiwa thung ya ki dieñ ki siej.
Ya ki kyntien khublei khaddooh da e da ka Rimai Dkhar.
Discussion about this post