Ka Assam Rifles ynnin da lehwarom ko ya u Nb Sub Shyam Gurung uwa da yap nei chah hiar thma ka kari wa chong u ha Nambol Sabal Leikei, Bishnupur, Manipur ha ka 19 tarik uni u bnai.
Ya i lehwarom booh syntu da leh ha Shillong, heiwa u Lt Gen Vikas Lakhera, AVSM, SM, Director General Assam Rifles da yachem u leh ya kiwa ha-yung u Gurung.
Ha kani ka sngi da em kiwa ha-yung, ki chipai ka Assam Rifles, ki jan yung wa kiwi kiwi
Hadien ini da pyndep ya ka niam thang ha Shillong.
U Gurung da yap u hadien wa chah hiar thma ki kari ka Assam Rifles ha kiwa kieñ suloi kiwa da siat naphang wei ki wym pu ye u tipmit iwa da jia ha Bishnupur District ka Manipur hadien wa wan e yarap kini ki chipai ka Assam Rifles ya kiwa chah ktah na i chlai um ha Imphal Valley.
Ha ini i chah hiar thma syndet da yap ar ngut ki chipai wei da mynsoo san ngut kiwi tawon.
Discussion about this post