Ki chipai ka Indian Army ynne ka sngi da lehwarom ki ya ki le ngut ki chipai wa kynthup ya u Naik Gaikwad Manoj Laxman Rao, u Lance Naik Mukesh Kumar wa u Gunner Souvik Hazra kiwa da khlaad ha ka 18 tarik uni u bnai hajan LoC ha Machhal Sector, Kupwara.
Ynne ka sngi ha i leh warom da em u Lt Gen ADS Aujla, Chinar Corps Commander uwa da yahkhmat wow lehwarom ya kini ki le ngut.
U Naik Gaikwad Manoj Laxman Rao wa u Lance Naik Mukesh Kumar da chah tlep ki ha u thah heipor wa sonteri ki katwa u Gunner Souvik Hazra won da joor i iñdoh synrum (Hyperthermia) u. Ya kini ki le ngut da kit ya ki cha 168 MH, Kupwara wei da khlaad noh ki ha Military Hospital.
U Naik Gaikwad Manoj Laxman Rao toh uwa 41 snem wei da psiah kreh chipai u ha u 2002 wei i chnong tre u na Chunchkkede, Post Dhule, Tehsil, Dhule District, Maharashtra.
U Lance Naik Mukesh Kumar toh uwa 22 snem wei da psiah kreh chipai u ha u 2018 wei toh uwa na Sajwantgarh, Post Rodu, Tehsil Ladnun, District Nagaur, Rajasthan.
U Gunner Souvik Hazra won toh uwa 22 snem wei da psiah kreh u ha u 2019 wei toh uwa na chnong Khamarberia, Post Onda, Tehsil Bankura Sadar, District Bankura, West Bengal.
